20-anyos nga babaye, na-suffocate sang na-trap sa nasunog nga balay sa Jaro
ILOILO CITY — Na-trap sa sa nasunog nga balay sa Sta. Rosa Subdivision sa Tagbak, Jaro ang 20-anyos nga babaye, mga la-1:43 kaina sang kaagahon.
Ginapanag-iyahan sang pamilya Duran ang nasunog nga balay. Una nga nakagguwa si Rosemarie Duran, 61-anyos kag ang iya isa ka tuig nga apo.
Nabilin naman sa sulod sang balay Domie Rose Duran. Nabudlayan pa ang taga-BFP sa pag-rescue kay Domie bangud wala nila gilayon nabuksan ang pwertahan kag may mga grills pa ang bintana.
Ginabanta sa 10 tubtob 15 ka minutos pa antes nakaguwa sa balay si Domie. Unconscious siya sang nakuha sa sulod sang balay.
Gin-pulse oximeter pa siya sang mga responders apang wala ini naga-respond. Human sa concrete material ang balay nga may duha ka panalgan.
Wala naman naglapta ang kalayo bangud sa firewall. Base sa inisyal nga imbestigasyon sang BFP-Iloilo City, nag-umpisa ang sunog sa ground floor sang balay.
Gindeklarar ang fire out mga las-3:39 kaina sang kaagahon. Padayon pa ang imbestigasyon sang mga otoridad sa ginhalinan sang kalayo.
