Bureau of Fire Protection, preparado na sa pag-obserbar sang Fire Prevention Month

Preparado na ang Bureau of Fire Protection sa pag-obserbar sang Fire Prevention Month sa masunod nga bulan.

Sa memorandum circular, ginplastar sang BFP ang isa ka bulan nga mga aktibidad nga ginalakipan sang programa may kaangtanan sa Fire Safety Awareness nga nagatuyo nga mabuhinan ang fire incidents sa pungsod.

Magahiwat sang kick-off program ang BFP sa una nga semana sang Marso nga ginalakipan sang caravans, motorcades kag mga parada.

Gindesignar naman nga BFP Community Relations Week ang ikaduha nga semana sang Marso nga magatutok sa pagpa-improve sang relasyon sang BFP sa komunidad paagi sa mga pahampang, arts, music contests kag fire simulation exercises.

Nagalaum ang BFP nga mabuhinan sang 8 percent ang fire incidents sa Marso.

Ang subong nga tuig nga Fire Prevention Month may tema nga “Sa Pag-iwas sa Sunog, Hindi ka Nag-iisa.” — via BFP with reports from Philstar