60 ka barangay sa Iloilo City, gin-identify sang BFP nga fire-prone areas
ILOILO CITY — Naglab-ot sa 60 ka barangays sa syudad sang Iloilo ang gin-classify sang Bureau of fire protection (BFP) nga ‘fire prone areas’ sa pagsugod sang Fire Prevention Month.
Sa amo nga numero, 24 ang ginakabig nga top priority barangays nga ginalakipan sang Barangays Cubay, Tabuc Suba, Benedicto, Desamparados, Tay-tay Zone 2, Ungka 1, Bito-on, kag Buntatala sa Jaro; Sto. Niño Norte, Sto. Niño Sur, Sto. Domingo, So-oc, kag Calaparan sa Arevalo; Calumpang, West Habog- Habog, kag North Baluarte sa Molo; Lapuz Norte kag Alalasan sa Lapuz; Hinactacan kag Rizal sa La Paz; Bakhaw kag Bolilao sa Mandurriao; Tanza Esperanza kag Rima Rizal sa City proper.
Nagpahanumdom naman si City fire Marshal Chief Inspector Publio Ploteña nga i-check gid ang mga lulutu-an, linya sang kuryente, kag mga bagay nga makatuga sang kalayo agud malikawan ang sunog.
May ginhimo nga fire prevention month kick-off activity sa BFP 6 office.
