BREAKING | Bangkay nga nasulod sa sako, nasapwan sa Brgy. Pasil, New Lucena

ILOILO – Nasapwan ang bangkay nga nasulod sa sako sa Brgy. Pasil, New Lucena mga las-6:50 subong nga aga, Marso 2.

Suno sa anay tanod sa Pasil nga si Jerry Suarez, gin-inform siya sang nagabaligya sang tinapay nga may tawo nga nasulod sa sako sa kilid sang karsada gani iya ginrespondehan.

Gilayon man nga nag-inform sa New Lucena police si Suarez. Natapik sa guwa sang sako ang papel nga may nasulat nga “HAYOP!!! KA JOVAN ABANTAO AT ALYAS SUPAT!!!”

Gin-identify ang bangkay kay Jonalyn Sucaldito sang Brgy. Nabitasan, Pototan.

Suno sa iya pakaisa nga si Connie, Pebrero 28 sang katapusan niya nga nakita si Jonalyn sa ila balay sa Brgy. Nabitasan. Wala man sang kontra si Jonalyn sa ila barangay, suno kay Connie.