Cabacanan Elem. School sa Alimodian, nagsugod na sa pag-conduct sang expanded limited face-to-face classes
ILOILO — Madinalag-on ang pagsugod sang expanded limited face-to-face classes sang Cabacanan Elementary School sa Alimodian kahapon sang aga.
Suno kay Alimodian Mayor Geefre “Kalay” Alonsabe, hugot nga ginpatuman sang Local Government Unit kag sang Division of Iloilo ang mga minimum health protocols sa mga estudyante.
Ginpahayag man sang alkalde nga 12 lang ang mahimo nga makapartisipar nga mga estudyante sa Kindergarten tubtub Grade 5 samtang 16 naman sa Grade 16.
Wala na sang barrier nga ginpangbutang sa tagsa ka mga pulungkuan, sa baylo gin-implementar lang ang physical distancing.
Ginkumpirmar naman sang alkalde nga may mga estudyante nga naga-edad 5-11 anyos ang wala nabakunahan bangud wala pa sang available nga COVID-19 vaccine ang probinsiya.
May kalayuon nga 27 kilometers ang Cabacanan Elementary School sa town proper sang Alimodian.
Ini ang labing una nga elementary school sa banwa nga nag-conduct sang in-person classes nga ginpasugtan sang Schools Division of Iloilo.
Magluwas sa Cabacanan Elementary School, ang Palanguia National High School; kag Granada National High School Ballesteros Extension nga gin-aprubahan man sang DepEd para sa pag-conduct sang face-to-face classes sa probinsya sang Iloilo. — via Aksyon Cedrick Anona
