Driver sang motorsiklo, patay sang nabungguan sang awto sa Oton

ILOILO — Patay ang 41-anyos nga lalaki sang nabungguan sang awto ang ginamaneho niya nga motorsiklo sa Brgy. Trapiche, Oton kagab-i.

Ginkilala ang napatay kay Rhemy Ronquillo samtang ang driver naman sang awto, ginkilala kay Lilibeth Florentino, 47-anyos.

Nabungguan pa gid ang awto sang delivery truck nga ginamaneho ni John Ronald Castro Mayor, 30-anyos. Nagtuyo pa nga malagyo ang driver sang truck kag may nasaga-idan siya nga salakyan sa atubang sang Gaisano Oton.

Ginlagas naman siya sang driver sang salakyan nga iya nasagairan kag naabtan sa Mohon Terminal. Suno sa police, naka-inom sang makahulubog nga ilimnon ang driver sang truck.

Yara na sa kostudiya sang Oton Police ang driver sang awto kag truck. — via Aksyon Jil Caceres