Mga gang, nag-rumble sa San Pedro, Molo; 5 ka menor-de-edad, temporaryo nga gin-hold sa barangay
ILOILO CITY – Lima ka mga menor-de-edad nga miembro sang gang ang temporaryo nga gin-hold sang barangay officials sang San Pedro, Molo matapos nga nag-rumble sa Iloilo River Esplanade 2 nga sakop man sang nasambit nga barangay kagab-i, Marso 8.
Suno kay Punong Barangay Karl Lapascua, gintutukan niya ang mga miembro sang gang nga residente sang iya barangay.
Nagapati si Lapascua nga may mga kontra sa iban nga mga barangay ang iban nga mga miembro sang ila gang kag nadalahig na lang ang iban pa gid nga mga miembro.
Ginpatawag sang barangay ang mga ginikanan sang mga menor-de-edad agud mapanglaygayan.
Ipatawag man sang kapitan ang iban pa gid nga mga miembro sang gang sa iya barangay upod sa ila ginikanan agud mahambalan kun paano mauntat ang pag-intra nila sa mga grupo grupo.
