Masobra 50 ka balay, nasunog sa Airport, Mandurriao

ILOILO CITY – Naglab-ut sa masobra P1.4 million ang balor sang kahalitan sa sunog sa Barangay Airport, Mandurriao kahapon sang hapon, Marso 11, 2022.

Sa inisyal nga imbestigasyon sang Bureau of Fire Protection, sa second floor sang balay ni Lida Yudelmo naghalin ang kalayo.

Pero padayon nga gina-imbestigaran ang ginhalinan sang kalayo.

Sa pag-verify sang mga barangay officials suno kay Barangay Kagawad Alma Ylalim, 45 ka balay ang totally damaged kag pito ang partially damaged.

Base sa data sang barangay, 77 ka pamilya ukon 313 ka indbidwal nga apektado sang sunog. Sa amo nga numero, 163 ang adult, 29 ang senior citizens kag tatlo ang PWDs.

Temporaryo nga nagatiner sa Mandurriao Elementary School ang mga nasunugan. Base sa data sang barangay, 77 ka pamilya ukon 313 ka indbidwal nga apektado sang sunog. –via Farrah Mae Morano