Civil Service Commission, ginsuhestyun ang pagtingub sang 4-day work week kag work-from-home arrangement

Ginsuhestyun sang Civil Service Commission ang pagtingub sang four-day work week kag work-from-home arrangement agud masiguro ang work-life balance sang mga empleyado.

Gintumod ni CSC Commissioner Aileen Lizada ang panghangkat nga dala sang malawig nga working hours kada adlaw.

Ginpahanumdom ni Lizada ang mga heads of offices nga ikonsiderar ang mental health, wellness kag work-life balance sang mga empleyado sa gobyerno kun ipatuman ang four-day compressed work week.

Suno sa iya, “Ten hours in the office po is medyo very challenging. So, pwede po nating i-combine itong four-day work week [with eight hours per day] with work from home.”

Gintumod niya nga ehemplo ang apat ka adlaw nga duty sa opisina samtang work-from-home naman sa ikalima nga adlaw.

Ang mga trabaho nga eligible para sa work-from-home setup suno kay Lizada amo ang research, policy formulation, project work, computer programming kag database maintenance.

Ipagguwa ni Presidente Rodrigo Duterte sa Marso 21 ang iya desisyon sa four-day work week. — with reports from the Inquirer