Labor groups sa Western Visayas, nagahingyo sang P95-P100 nga saka sa daily minimum wage
REGION 6 — Nagahingyo ang labor groups sa Western Visayas nga pataasan sa P95 tubtob P100 ang daily minimum wage sa Rehiyon kadungan sang pagtaas sa presyo sang gatong sa pungsod.
Sa official statement nga ginpadala ni Secretary General Wennie Sancho, Labor Sector Representative sa Regional Tripartite Wages and Productivity Board (RTWPB), iya ginpresentar sa board meeting ang adjustment nga P95 tubtob P100 sa daily income sang mga mamumugon agud makabulig sa pagdugang sa galastuhan sa ila panimalay.
Nagapati naman si Sancho nga pamatian sang RTWPB ang ila hingyo bangud sa asud-asud nga pagsaka sa presyo sang gatong kag mga balaklon.
Wala man ginadula ni Sancho ang posibilidad nga balabagan sang management ang wage increase bangud sa epekto sang pandemya sa business establishments apang pakigbatuan ini ni Sancho paagi sa pag-cite sa mataas nga presyo sang mga balaklon.
