‘No Booster Card, No Entry’ Policy, plano ipatuman sa Hunyo

Luyag ni Presidential Adviser on Entrepreneurship Joey Concepcion nga i-require ang booster cards sa pagsulod sa mga establisemento sugod sa Hunyo.Ini agud mahaylo ang mga indibidwal nga magpatublok sang booster dose batok sa COVID-19.

Suno kay Concepcion, ang pag-require sang booster card makabulig sa pagpadasig sang booster vaccinations kag ma-address ang posible pag-expire sang mga available nga bakuna sa pungsod.

Ginakahangaw-an ni Concepcion nga mabutang sa risgu ang pungsod sa masunod nga semester kun amat-amat na nga madula ang immunity sang bakuna.

“We do not implement it right away. I understand it will take time for them to get the booster, but considering that vaccines are now more accessible, people are free to move around, and we have adequate supply, I think two and a half months, or until June, would be enough time to take the boosters,” ang pahayag ni Concepcion.

Posible man nga magtuhaw ang bag-o nga variants sang COVID-19. Ginpahayag naman ni Health Undersecretary kag National Vaccination Operations Center Chair Myrna Cabotaje nga ginadiskusyunan pa sang mga eksperto ang proposal ni Concepcion. — with reports from Philstar