Malaba nga pilahay sang mga pasahero sa Jordan Wharf patabok sa siyudad sang Iloilo, ginareklamo

GUIMARAS — Ginreklamo ang malaba nga pilahay sang mga pasahero sa Jordan Wharf pakadto sa siyudad sang Iloilo kahapon sang aga.

Base sa obserbasyon sang Aksyon Radyo Iloilo news team, nagaginutok ang mga pasahero bangud sang istrikto nga pag-require sang outbound pass nga ginapapirmahan kun magtabok sa Iloilo City kag magbalik sa Guimaras.

Magluwas sa outbound pass kag vaccination card, ginapangitaan pa gid sang barangay ID card ang mga pasahero nga residente sang probinsya.

Lakip man sa nagapahinay sang sistema ang pagpamangkot sa kada pasahero.Napaidalum ang Guimaras sa Alert Level 1 tubtob sa Abril 15, 2022. — with reports from Aksyon Robert Pacardo