1 totally burned, 1 partially damaged nga balay sa nagluntad na sunog sa Sta. Barbara
ILOILO — Isa (1) ang totally burned samtang isa man ang partially burned nga balay sang nasunog sa Fairville Subdivision sa Barangay Bolong Oeste, Santa Barbara, Iloilo mga la 1:00 kahapon sang kaagahon, Abril 6.
Ang balay nga totally burned ginapanag-iyahan ni Jesusa Caro, samtang partially damaged ang balay ni Chona Malte.
Suno sa imbestigasyon ni SFO1 Jake Ronald Solis, fire arson investigator sang Santa Barbara Fire Station, gina-arkilahan sang mag-live in partner nga Kharl Khryzza Mae Malana, 23-anyos kag Marlou Araneta, 23-anyos ang balay ni Caro.
Nag-umpisa ang kalayu sa kusina sang mag-live-in partner kag gilayon nga naglapta sa kaiping nga balay ni Malte bangud human sa light materials ang mga balay.
Samtang, suno naman kay PSSg. Rick Subaldo, imbestigador sang Sta.Barbara Police Station, nagmaoy si Araneta matapos na-flat ang goma sang iya motorsiklo sang ginhulam sang utod sang iya live-in partner.
Nagbaisay ang mag-live in kag hinali lang nagkuha sang pusil si Araneta apang na-agaw sang mga utod ni Malana.
Pero nagkuha pa gid sang binangon kag naghana nga manghandos pero nakuha man ini sa iya.
Nagsulod sa kwarto si Araneta agud nagkuha sang habol kag gin-ulaan sang gas sa kusina kag ginsindihan rason nag-ibwal ang kalayo.
Pagkatapos sang insidente, nagpalagyo si Araneta.
