IATF Guidelines, dapat sundon sa pagpatuman sang COVID-19 protocols agud malikawan ang pagsalangisag sang mga pumuluyo – DILG 6
ILOILO CITY — Dapat nga sundon ang guidelines sang national ITAF sa pagpatuman sang mga polisa may kaangtanan sa COVID-19 pandemic agud nga malikawan ang pagsalangisag sang mga pumuluyo.
Paathag ini ni DILG VI legal officer Atty. Junine Java sa concern sang mga pasahero sa Guimaras nga nagapila pa sang malawig agud mag-fill out sang sang health declaration card, inbound, kag outbound pass.
Nahibaluan nga ginbase ang pag-require sang heath declaration card sa Provincial Ordinance 2020-04 sang Guimaras nga ginpasar pa sang Hulyo 2020.
Pero nabutang sa latest guidelines sang IATF nga ginpagguwa sang Pebrero subong nga tuig nga indi na kinahanglan ang ano man nga paper-based contact tracing form sa mga lugar nga napaidalum sa alert level 1.
I-check pa ni Java kun nakapasa sang kopya sang nasambit nga ordinansa ang Guimaras sa DILG VI agud ila ma-review kag mahatagan sang rekomendasyon.
