Western Visayas, ginpaidalum sa ‘Red Alert’ status bangud sa pagsulod sang TD ‘Agaton’ sa PAR

Ginpaidalum sang Regional Disaster Risk Reduction and Management Council (RDRRMC VI) sa “Red Alert” status ang Western Visayas kasunod sang pagsulod na sa Philippine Area of Responsibility sang tropical depression Agaton.

Base ini sa nakasugtan sa Pre-Disaster Risk Assessment meeting sang RDRRMC VI upod sa provincial kag City DRRM councils kahapon sang aga, Abril 9 agud diskusyunan ang mga preparasyon sa posible epekto sang bagyo Agaton sa rehiyon.

Ulihi nga nakit-an ang bagyo sa 130km East Southeast sang Guiuan, Eastern Samar base sa tropical cyclone bulletin sang PAGASA las-5 kahapon sang hapon.

Gin-activate na ang Charlie protocol ukon ang pinakamataas nga emergency preparedness and response protocol bangud gin-classified nga high-risk ang rehiyon kag kinahanglan ang immediate actions agud mapahagan-hagan ang mga epekto sang bagyo ilabi na sa mga flood kag landslide prone barangays. | via OCD VI