#AgatonPH | 2 ka indbidwal nga gin-report nga missing sang Abril 11 matapos naanod sang baha sa Ajuy kag Lemery, bangkay na sang nakit-an
ILOILO — Na-retrieve subong nga aga ang bangkay sang duha ka mga indibidwal mga gin-report nga missing matapos nga naanod sang baha sa paglaslas ni Bagyo Agaton sa Lemery kag Ajuy.
Una nga nakit-an ang bangkay ni Ernesto Pamplona, 46, sang Barangay Tugas, Lemery suno kay PLt. Francis Bataliones, OIC, Lemery Police Station.
Dugang pa ni Bataliones, mga las 7:45 kaina sang aga nakit-an nga nagasampay ang bangkay ni Pamplona sa kawayanan bangud amat-amat na nga nag-subside ang baha sa nasambit nga lugar.Samtang ginkumpirmar naman sang Ajuy MDRRMO nga na-retrieve man mga las 8 sang aga ang bangkay ni Alfredo Osano, 33 kag tumandok sang Brgy. Taguhangin.
Suno sa mga rescuers sang Ajuy MDRRMO, nakit-an nga naga-utaw utaw ang bangkay ni Osano bangud nga nagnabaw na ang tubig baha.