Isa sa duha ka mga bangkay nga nasapwan naga-utaw utaw sa baybayon nga sakop sang Carles, nakilala na
ILOILO — Nakilala na ang isa sa duha ka mga bangkay nga nasapwan nga naga-utaw-utaw sa kadagatan nga sakop sang Brgy. Granada, Carles, Iloilo, mga las-8 kahapon sang aga, Abril 16.
Suno kay Police Lieutenant Johnny Oro, deputy chief sang Carles Police Station, ginkilala ang isa ka bangkay kay Brgy Balatucan, Panitan, Capiz kagawad Bianito Denosta 57-anyos.
Na-identify ang bangkay bangud sang asawa kag utod niya nga nagpadulong sa Carles.
Gina-verify naman sang pulis ang identity sang isa pa gid ka bangkay.
Ginpahayag ni Lieutenant Oro nga ang duha ka bangkay ang nalakip sa sakay sang motorbanca nga naanod sang mabaskog nga nadaludo sang tubig kag nagbunggo sa taytay sa Panitan, Capiz sang nagligad nga semana. — via Aksyon Farrah Mae Morano