Isa pa sa duha ka mga bangkay nga nasapwan naga-utaw utaw sa kadagatan nga sakop sang Carles, nakilala na

ILOILO — Nakilala na ang isa pa sa duha ka mga bangkay nga nasapwan nga naga-utaw-utaw sa kadagatan nga sakop sang Carles sang Abril 16.

Suno kay Mark Jay Dumol, Municipal Disaster Risk Reduction Management Officer sang Panitan, Capiz, ginkumpirmar sang iya pamilya ang bangkay ni Cyril Degoma.

Dugang pa ni Mr. Dumol, lakip si Degoma sa lima ka mga indibidwal nga missing matapos nga nagkapan ang motorized bangka nga ila ginasakyan agud nga magdala sang relief packs sa Brgy. Balatucan, Panitan, Capiz.

Una na nga na-retrieve ang bangkay nanday Edgar Villareal kag Dominador Drillon sang Abril 15 sang aga.Kadungan man sa pag-identify sang bangkay ni Degoma, ginkumpirmar man sang iya pamilya ang bangkay sang Brgy. Kagawad sang Balatucan, Panitan, Capiz nga si Bianito Denosta, 58.

Nagapabilin naman nga missing ang isa pa ka kagawad sa amo man nga barangay nga si Alberto Duron.

Nagapadayon ang search and retrieval operation sang Capiz Provincial Disaster Risk Reduction Management Office (PDRRMO), Panitan MDRRMO, Philippine Coast Guard kag pila ka mga volunteer rescue groups. — via Aksyon Cedrick Anona