Baligyaan sang foam sa likod sang merkado sa Pavia, nasunog
ILOILO – Natupok gid sang kalayo ang baligyaan sang foam sa Purok 2, Pavia (likod sang merkado) kahapon, Abril 23.
Suno kay Nene nga nagabantay sang baligyaan, may gina-ubra ang iya magulang kag nagagamit sang welding machine malapit sa baligyaan.
Posible suno sa iya nga nagtabog ang baga sa foam nga ginatunaan sang sunog. Ginapanag-iyahan ni Elena Gonzaga ang baligyaan sang foam. Madasig lang nga naglapta ang kalayo.
Wala sang may napilasan sa insidente. Gina-imbestigahan pa sang taga-Municipal Fire Station sang Pavia ang ginhalinan sang kalayo kag kun pila ang kahalitan sini.