Pila ka suppliers sang Metro Pacific Iloilo Water, Metro Iloilo Water District, maka-eksperyensya sang water interruption sugod Mayo 16

Maka-eksperyensya sang low pressure kag water interruption ang mga konsumedor sang Metro Pacific Iloilo Water kag Metro Iloilo Water District (MPIW- MIWD) sa Leganes, Barangay Pagsanga-an kag Anilao sa Pavia, Jaro; La Paz kag Lapuz District sa Iloilo City kag porsyon sang Santa Barbara halin Mayo 16.

Ini ang kasunod sa pagbaton sang MPIW-MIWD sang sulat halin sa isa nila ka supplier nga Flo Water nga maga-untat sa pag-deliver sang bulk water sa Mayo 15, umpisa las 11:59 sa gab i, bangud sa pag-expire sang Bulk Water Supply Agreement (BWSA) sa tunga sang ahensya kag sang amu nga supplier.

Suno naman kay Ms. Amarylis Josephine Castro, Officer-In-Charge – General Manager sang MIWD, maga-implementar sang 12-hour interval rotational water supply interruption halin las 3 sa kaagahon tubtob las 3 sa hapon.Ginpasigurado naman sang ahensya nga ila aksyunan sa gilayon ang problema.

Ginbuyagyag man ni Engr. Rob Cabiles, Chief Operating Officer sang MPIW, nga halin sa P11.72 cubic meter nga presyo sang ila gina-supply nga tubig, himuon sang Flo Water nga mangin P25.00 ang presyo sang tubig rason nga wala nila ginpadayon ang pagkuha sang tubig sa ila.

Bukas naman ang MIWD-MPIW kun mag bag-o pa ang pinsar sang taga-Flo Water.

Yari ang mga masunod nga maapektuhan sang 12-hour rotational water interruption sa mga nasambit nga lugar.

3:00 am- 3:00 pm

* Jaro South (Benedicto, Cuartero,(Democracia, Desamparados, Dungon B,(Dungon A, Fajardo, Javellana, Luna, MH del)(Pilar, Montinola, Our Lady of Fatima,Lourdes, San Jose, San Pedro, San Vicente,Seminario, Taytay Zone Il)

* La Paz – Lapuz* Mandurriao (Diversion Road, Dungon, PHHCSanta Rosa, Taft North, San Rafael, Q. Abeto,R. Mapa, Tabucan)* City Proper* Molo, Arevalo3:00 PM – 3:00 AM* Pavia (Pagsanga-an & Anilao)

*Leganes* Jaro North (Ungka, Sambag, San isidro, San Roque, Lopez Jana, Arguelles, Cuartero Maria Cristiana, Simo Ledesma, Tabuc Suba, Quintin Salas, Cubay, Balabago, Tacas, MV Hechanova, Buhang, Camalig, Balantan B, (Lanit, Tagbäc, Buntatala).

Nagpanawagan naman si Ms. Castro nga kinahanglan ang proper management agud malikawan ang kakulang sang tubig sa mga nasambit nga lugar.

P20.00 per 10 cubic meters ang presyo sa subong, nga ginabaligya sang MIWD-MPIW sa mga konsumedor. — via Aksyon Cedrick Anona

About Post Author

Jo Gelloagan-Maque

jomaque@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %