May 24, 2022

Residente sang Bangac, Mina, nagreklamo nga gin-harass sang nagpakilala tinawo ni Mayor Rey Grabato

Read Time:1 Minute, 56 Second

ILOILO — Ginreklamo sang isa ka residente sang Barangay Bangac, Mina ang nagpakilala tinawo ni Mayor Rey Grabato nga nagpang-harass kaina sang aga.Suno kay Zyla Defensor, las-8:30 pa lang sang aga, nabatian na niya nga may naga-andar nga heavy equipment sa arosera sang alkalde.

Malayo ang heavy equipment sa ila balay pero bation gihapon rason iya ginlantaw.

Ginkulbaan si Defensor bangud antes sini suno sa iya, may mga mensahe na siya nga nabaton nga “maghalong” pagkatapos sang eleksyon.

May lima (5) ka mga lalaki suno sa iya nga nagpundo sa atubang sang ila balay kag gulpi lang nag-abot si Ronelo Petipet alias “Burhot” kag nag-singgitan nga ipagabot ang ila nga kudal bangud ginsugo siya sang alkalde.

Yara naman sa balay sang utod ni Petipet ang iban nga mga lalaki.Bangud wala sang puwede mapangayuan sang bulig si Defensor, ginsugo niya ang iya hinablos nga kuhaon ang cellphone kag napinsaran na lang nga mag-Facebook live para may ebidensiya pananglitan may malain nga matabo sa iya.

Sang nahibaluan sang mga lalaki nga ma-Facebook live si Defensor, naglakat ang apat sa ila, pero nagpabilin si Petipet kag padayon nga naga-singgitan.

Matapos sini suno kay Defensor, gintawag ni Petipet ang iban nga kabataan kag ginsugo nga gub-on ang ila nga kudal, pero wala sila nagpati.

Madamo sang mga barangay officials ang nagalantaw suno kay Defensor kag may duha man ka pulis sa lugar.Makaligad ang pila ka oras, naglakat ang kabataan lakip na si Petipet.

Ginpabutyag sang tagreklamo nga Enero 2020 sang ginbakal nila ang duta kag may nauyatan man sila nga deed of sale.

Las-10 sang aga sang gulpi lang nagbalik si Petipet upod sa 20 ka mga lalaki kag ginpang-guba ang kudal nanday Defensor. Gin-alegar nga nagpalupok man sang pusil sanday Petipet sang makaduha ka beses.

Dugang niya, may yara man sang mga armado nga mga lalaki nga nagatindog malapit sa kanal.

Nagpalapit si Defensor sa mga lalaki agud makita sa iya live video.Ginpabutyag sang tagreklamo nga ginpalukpan siya sang isa ka lalaki kag ginhampak pa sang pusil pero wala siya naigo bangud ginsipa niya kag nagpulot sang bato.

Plano sang tagreklamo nga magpasaka sang kaso sa iya ginareklamo.

Ginatinguhaan sang Aksyon Radyo nga makuhaan sang pahayag si Petipet.

Watch video: https://bit.ly/3yCea2j

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
100 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post ‘Indi ko siya kilala’ — Ronelo Petipet sa lalaki nga nakuhaan sang video ni Zyla Defensor matapos ang iya reklamo nga gin-harass siya ni Petipet
Next post Kapulisan sa Western Visayas, ginpasidunggan sang PRO 6 matapos ang matawhay nga 2022 general elections sa Rehiyon 6