2 ka lalaki, nagbun-anay bangud sang liga sa basketball sa Leon

ILOILO –Pilason ang duha ka lalaki sang nagbun-anay bangud sang liga sa basketball sa Brgy. Gumboc, Leon, las-10 kagab-I, Mayo 17.

Pareho nga nagalantaw sang basketball game sanday Bryan Jose Capanang, 25-anyos, sang Brgy. Capt. Fernando, Leon, kag Ronnie Calaor, 49-anyos nga mangunguma kag taga-Brgy. Mocol, Leon.

Suno kay Police Lt. Melchor Tolentino, acting Chief of Police sang Leon Police Station, may komosyon nga natabo sa tunga sang duha ka lalaki antes natapos ang liga.Una na ginbuno suno sa iya ni Capanang sang buka nga botelya si Calaor nga naigo sa butkon.

Nagkuha naman sang kutsilyo si Calaor agud magbalos kag naigo sa wala nga parte sang dughan kag tuo nga likod si Capanang.

Ginalantaw sang Leon Police nga motibo sa insidente ang pagsuyaay sang duha ka mga lalaki bangud lain-lain ang ila ginasuportahan nga team sa basketball.

Yara na sa custody sang Leon Police si Calaor apang padayon naman nga ginabulong sa ospital si Capanang. — via Aksyon Jil Caceres