July 6, 2022

2 local cases sang Omicron subvariant BA.2.12.1, halin sa probinsya sang Iloilo — DOH 6

Read Time:2 Minute, 0 Second

ILOILO CITY – Ginkumpirmar sang Department of Health (DOH) 6 nga naghalin sa Iloilo province ang duha ka local cases sang Omicron sub-variant BA.2.12.1 nga na-record sa pungsod.

Base sa press release sang DOH 6, 69-anyos nga lalaki ang isa ka local case nga halin sa probinsiya. Na-admit siya sa ospital sa probinsiya sang Mayo 5 kag ginpaidalom sa RT-PCR test sang Mayo 6.

Nagpositibo ang resulta kag ginpaidalom ang iya sample sa genome sequencing sang Mayo 12. Fully vaccinated batok sa COVID-19 ang pasyente.

Samtang 66-anyos nga lalaki naman ang isa pa ka local case. Na-admit siya sa ospital sa Iloilo City sang Mayo 7 kag ginpaidalom sa RT-PCR test sa amo nga adlaw sa diin nagguwa nga positibo ang resulta.

Ginpadala para sa genome sequencing ang specimen sang pasyente sa University of the Philippines- Phil. Genome Center Visayas sang Mayo 12. Fully vaccinated siya batok sa COVID-19. 60-anyos nga babaye naman ang returning overseas Filipino nga infected man sang nasambit nga variant.

May travel history siya halin sa Estados Unidos kag nag-abot sa pungsod sang Abril 20. Nag-agi siya sa Cebu padulong sa Iloilo sang Abril 25 kag Abril 27 sang ginpaidalom siya sa RT-PCR test matapos nga nakabatyag sang mild symptoms.

Abril 28 sang nagguwa nga positibo siya sa COVID-19 kag ginpadala sa UP PGC-Visayas ang iya specimen para sa genome sequencing.

Mayo 16 sang ginpaguwa ang resulta sang genome sequencing sang tatlo kag positibo sila sa BA. 2.12.2, nga sub-variant sang Omicron.

Gin-tag na suno sa DOH 6 nga “recovered” ang ROF nga fully vaccinated naman batok sa COVID-19. Isa sa mga close contacts niya, negatibo sa COVID-19. Gina-verify pa sang ahensiya ang status sang duha ka close contacts.

“The DOH Western Visayas Center for Health Development (DOH WV CHD) is closely coordinating with local government units following the confirmation of these three cases,” suno sa DOH 6. “With this development, the DOH WV CHD assures the public that close coordination with the concerned local government is being undertaken. Local epidemiology and surveillance units of the concerned LGs have undertaken back tracing to identify all close contacts and to complete the case profile of the confirmed cases to identify exposure, travel history, current health and isolation status,” dugang sang DOH 6.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mangunguma sa Pototan, patay sang gintiro sang operator sang harvester nga karelasyon sang iya asawa sang una
Next post 2 ka lalaki, nagbun-anay bangud sang liga sa basketball sa Leon