Ilonggo athlete nga taga-Arevalo, nagdaug sang gold medal sa 31st SEA Games
Nagdaug sang gold medal sa 31st SEAGAMES sa Hanoi, Vietnam ang 26-anyos nga Ilonggo athlete nga taga-Arevalo.
Si Arnel Mandal nga tumandok sang Brgy. Calaparan, Arevalo ang nangin madinalag-ug sa iya event sa Wushu.
Ginakalipay ni Mandal nga nakakuha siya sang gold medal kag ginapasalamatan niya ang tanan nga nagasuporta sa iya ilabi na ang iya coach kag pamilya.
Una nga nagka-interes sa boxing si Mandal kag nadiskubrehan niya ang iya potensyal sa Wushu sang nag-untat siya sa pag-obra sa construction kag ginhagad sang isa ka-coach nga mag-training.
Sang 30th SEA Games, nakakuha man si Mandal sang gold medal. — via Aksyon Jil Caceres
