Pulis nga na-assign sa RPHAU, dakop sa drug buy bust operation sa Molo
Iloilo City — Dakop sa drug buy bust operation ang 40-anyos nga pulis sa Aries St. VML Subdivision North Fundidor Molo, las 7:21 kaina sang aga aga.
Ginkilala ang nadakpan kay Police Staff Sergeant Igmedio Cristobal Jr., residente sang Barangay Jereos, La Paz kag temporaryo nga nagatenir sa Zone 11, Barangay Calaparan, Arevalo.
Si Cristobal ang na-assign sa Regional Personnel Holding Administration Unit. (RPHAU 6) Nabaklan ang pulis sang duha (2) ka sachets sang suspected shabu sa balor nga P5,000.
Na-recover pa gid ang dugang nga 17 sachets sang suspected shabu.
Ginabanta sa P374,000 ang market value sang mga nakumpiskar nga illegal drugs nga nagabug-at sang 55 grams.
Gin-conduct sang Regional Police Drugs Enforcement Unit 6 kag Molo Station Drug Unit ang operasyon.
Nagbalibad nga nga maghatag sang pahayag si Cristobal sang gintuyo nga ma-interview sa natabo. — via Aksyon Angel Mae Ciudad
