Ordinansa nga magahatag sang rewards sa mga atleta, coaches kag iban pa sa probinsya sang Iloilo nga nag-excel sa sports competition, aprubado na sang Provincial Board

ILOILO – Aprubado na sang Sangguniang Panlalawigan sang Iloilo ang Provincial Ordinance No. 2020-217 nga may tig-ulo nga “An Ordinance Giving Rewards and Recognition to Iloilo Provincial Athletes, Coaches, Asst. Coaches, Trainers and Chaperones who Excel in Sports Competitions of Various Sports Discipline Recognized and Sanctioned by the Department of Education, the Philippine Sports Commission and the Philippine Olympic Committee and Appropriating Funds Thereof.”

May gintigana nga P5 million nga annual budget para sa programa.

Tuyo sang ordinansa nga mahatagan sang rewards kag recognition ang mga atleta, mga coaches, asst. coaches, trainers kag chaperones nga naghatag sang dungog sa probinsiya sang Iloilo bangud sa pagpangibabaw sa mga sports competitions.

Gin-author ni Vice Governor Christine “Tingting” Garin ang nasambit nga ordinansa kag co-sponsored sang tanan nga Sangguniang Panlalawigan members.