Masobra P200,000 nga balor sang suspected shabu, nakuha sa magpalakaisa sa buy bust operation sa La Paz
ILOILO CITY – Ginabanta sa P238,000 ang balor sang suspected shabu ang nakuha sa magpalakaisa nga nadakpan sa drug buy bust operation sa Baldoza, La Paz mga las-8:50 kagab-i, May 25.
Ginkilala ang mga nadakpan kanday Chua Young, 18-anyos; Fritz Alvin Anacan, 21-anyos sang Baldoza, La Paz; Kelvin Bryan Oliza, 19-anyos sang Fajardo, Jaro; kag Aldrin Garcia, 21-anyos sang Bangbang, Roxas City, Capiz.
Suno kay Lt. Col. Mark Anthony Darroca, head sang Regional Police Drug Enforcement Unit (RPDEU), si Chua Young ang subject sa buy bust operation kag nabaklan sang isa ka sachet sang suspected shabu sa balor nga P11,000.
Na-aktuhan naman nga nagagamit sang ginapatihan illegal drugs sanday Oliza, Garcia, kag Anacan sa kwarto sang balay kun diin ginhimo ang operasyon.
Na-recover naman sa mga nadakpan ang 10 ka pa mga sachets sang suspected shabu.
Ginatinguhaan pa sang Aksyon Radyo Iloilo nga makuhaan sang pahayag ang mga nadakpan nga yara na sa La Paz Police Station.
