Outgoing Pres. Rodrigo Duterte, luyag nga padayunon ni President-elect Bongbong Marcos ang away kontra sa illegal nga druga

Luyag ni outgoing President Rodrigo Duterte nga padayunon ni President-elect Ferdinand “Bongbong” Marcos Jr., ang away batok sa illegal drugs nga iya ginsuguran.

Suno ini kay Marcos Jr., matapos niya gin-ako nga makapila ka beses sila nga nagsugilanon sang Presidente may kaangtanan sa pila ka mga bagay.

Isa sa mga ginaduso gid suno sa iya ni Presidente Duterte ang away batok sa illegal nga druga.

Ginatugyan man sang Presidente kay Marcos kun paano niya ini himuon pero ginpahayag niya nga indi gid ini pagdulaon bangud mangin makaluluoy ang mga kabataan kun maguba sang illegal nga druga ang ila kabuhi.

“One thing he [Pres. Duterte] was very assertive about is that, ‘ituloy mo yung anti-drug syndicate na sinimulan ko. Do it your own way.’ He really said that. ‘Do it your own way, palitan mo… pero huwag mong iiwanan yan kasi kawawa yung kabataan natin. Talagang nasisira ang mga buhay nila’,” suno kay Marcos.

Bukas man si Marcos para kay Presidente Duterte kun luyag niya mangin kabahin sang iya administrasyon.

Wala pa sila maka-istoryahanay parte diri pero ginpabutyag ni Marcos nga bukas siya sa bisan kay sin-o nga makabulig sa gobyerno. | with reports from CNNPh