Mga terminal operators, madihon sang Site Development Plan agud ma-improve ang mga pasilidad

ILOILO CITY — Ginhatagan sang Land Transportation Franchising and Regulatory Board 6 sang 60 ka adlaw ang mga terminal operators sa Iloilo City nga magdihon sang Site Development Plan.

Ini agud ma-improve ang mga pasilidad sang mga terminals sa siyudad, suno kay Atty. Jun Altura, legal counsel sang LTRFB 6.

“Ang mga improvements sang facilities within the terminals, gintagaan namon sila (terminal operators)…we agreed on a 60-day period for them to come up with their Site Development Plan,” suno kay Altura.

Suno kay Altura, dapat ipakita ang subong nga sitwasyon sang mga terminals agud makita kun ano nga development ang mabulig sang siyudad sa ila iplastar nga Site Development Plan.

Sapulon ang mga terminal operators subong nga semana ni Mayor Jerry Treñas kag taga-LTFRB kag Public Safety and Transportation Management Office (PSTMO) agud maistoryahan ini.

“Lantawon naton kun ano nga interventions man kag bulig ang mahatag sang [Iloilo] City government para na sa ila Site Development Plan,” dugang ni Altura.