Mga traditional jeepneys, himuon na lang nga private vehicle ukon ipa-scrap sa pagpatuman sang PUV modernization — LTFRB
ILOILO CITY — Himuon na lang nga private vehicle ukon ipa-scrap ang mga traditional jeepneys kun mapatuman na ang modernization sang mga public utility vehicle.
Suno ini kay LTFRB 6 Legal Officer Atty. Jun Altura. Ginpaathag niya nga bilang kabahin sang PUV modernization program sang gobyerno, dapat magporma sang kooperatiba ang mga operator kag drivers’ association.
I-consolidate suno sa iya ang tanan nila nga prangkisa kag ipapangalan ini sa kooperatiba kun diin sila miembro.
Sunod nga nag-apply sa selection process para sa bag-o ng ruta base sa Local Public Transport Route Plan ang mga kooperatiba.
Ginkanselar naman suno kay Altura ang validity sang tanan nga mga individual franchise kag ginhatagan lang sila sang tubtob sa Abril 30.
Ginpaathag ni Altura nga pwede baklon sang gobyerno ang mga traditional jeepneys nga ipa-scrap sang mga tag-iya.
Ginhimo ni Altura ang paathag matapos nagreklamo ang vice president sang Jaro Liko NFA nga jeep nga wala gin-renew ang ila registration kag prangkisa.