Isa patay sang na-aksidente ang van sa Barotac Viejo
ILOILO — Patay ang isa sa mga sakay sang van nga na-aksidente sa Sitio Cagay, Brgy. Rizal, Barotac Viejo las-6:30 kahapon sang aga, Hunyo 4.
Ginamaneho ang van ni Leonel Ocson, 42, sang Poblacion, San Rafael nga napilasan sa wala nga tiil.
Gin-identify ang napatay kay Myra Paro, 41, sang Brgy Omio, Lemery nga gindeklarar dead-on-arrival sa ospital bangud sang pilas sa ulo.
Pilason ang iban pa nga sakay sang van nga sanday Marjie Pasinao, 40 sang Brgy. Agdahon, Passi City nga may pilas sa ulo; Jonnah Noledo, 24 sang Sagrada, Dumarao nga may pilas sa ulo; kag ang mag-iloy Wilflor Boncal, 47, kag iya anum ka tuig nga bata nga lunsay nagpalanakit ang lawas.
Suno kay PMSg. Jet Landayao, imbestigador sang Barotac Viejo Municipal Police Station, halin sa San Rafael ang van kag pakadto sa Iloilo City.
Mamunog ang ulan suno kay PMSg. Landayao rason nga posible nadanlog ang van pag-abot sa kurbadahon nga porsyon sang karsada tubtob nga natumba. — with reports from Aksyon Farrah Mae Morano
