ADVISORY | Taytay sa Dueñas, temporaryo nga indi maagyan bangud sang nag-usmod nga approach

ILOILO — Temporaryo nga indi maagyan ang taytay sa Barangay Tinocuan, Dueñas nga naga-angut sa Passi City bangud nag-usmod ang approach.

Suno kay Major Rey Pabalan, hepe sang Dueñas MPS, sa Calinog maagi ang mga salakyan nga halin sa Passi City kag Capiz kun magkadto sa Iloilo City.

Kun halin sa Iloilo City, pwedi makaagi halin Sta. Barbara, diretso sa Cabatuan, Janiuay, Lambunao lapos Calinog pakadto Passi City kag Capiz.

Pwedi man makaagi sa San Enrique pakadto Banate, Anilao kag diretso Iloilo City.

Sang Abril 13, 2022, na-ab-ab man ang duta sa approach sang taytay.