3 patay, 3 pilason sa aksidente sa tunga sang angkar-angkar kag 10-wheeler truck sa Dawis, New Lucena

ILOILO — Tatlo patay kag tatlo pilason sa aksidente sa tunga sang angkar-angkar kag 10-wheeler truck sa Brgy. Dawis, New Lucena las -tres kaina sang kaagahon.

Ginkilala ang mga napatay kanday Angelito Somblingo alyas Kato, driver sang tricycle, bata niya nga si Angelo Somblingo, 14-anyos, kag hinablos nga si John Paul Somblingo, 10-anyos.

Gindala naman sa ospital sanday Hilda Somblingo, bata niya nga si Mars Somblingo, kag alyas Shane, 10.

Suno kay Shelo Garcia, residente sang nasambit nga lugar kag nakakita sa aksidente, tuman ka dasig ang dalagan sang truck.

Halin sa direksyon sang Zarraga kag pakadto sa direksyon sang Pototan ang truck samtang pa-Passi City ang mga biktima nga sakay sa angkar-angkar sang nasalakay sang 10-wheeler truck.