Hepe sang San Enrique Municipal Police Station, i-relieve sa pwesto kun indi masolbar ang kaso nga pagpatay sa German national — IPPO Director, Colonel Adrian Acollador

ILOILO — I-relieve ang hepe sang San Enrique Police Station nga si Police Major Robert Jason Pancha pananglitan nga indi masolbar ang kaso nga pagpatay sa German national sa Brgy. Camiri sang Hunyo 8 snag gab-i.

Ini suno kay Iloilo Police Provincial Office Director Police Colonel Adrian Acollador.

Suno kay Acollador, nagtukod na sang SITG ukon Special Investigation Task Group ang IPPO agud masolbar ang kaso.

Naghatag sang isa ka semana nga time frame si Acollador kay Pancha agud masolbar ang kaso.