‘Limpyo sa Hunyo 2022’ sang Iloilo Provincial Government, ilunsar sa Hunyo 17, 2022

ILOILO – Ginahingyo ni Iloilo Gov. Arthur Defensor Jr. ang mga pumuluyo nga magpasakop sa pagpanglimpyo agud malikawan ang dengue kag pagbaha.

Hiwaton ang kick-off sang “Limpyo sa Hunyo 22: Panglimpyo Para sa Dengue kag Baha” sa Provincial Capitol lobby sa Hunyo 17, 2022.

“Ginahagad ang tanan nga buligan naton kag ‘pululihan’ sa June 17 ang umpisa sang aton intensified pa gid nga pagpanglimpyo para sa dengue kag para sa pagbaha,” suno sa gobernador.

Ang “Limpyo sa Hunyo 2022” kabahin sang Limpyo Iloilo, nga umbrella clean-up program sang Iloilo Provincial Government. – via Balita Halin sa Kapitolyo