Suspects sa pagpangransak sa gasolinahan sa Jaro, napasakaan na sang kaso

ILOILO CITY – Napasakaan na sang kaso ang tatlo ka mga suspects sa pagransak sa Jetti Gas Station sa Brgy. Tabuc Suba, Jaro sang Hunyo 7 sang kaagahon.

Suno kay PCPT Eduardo Siacon, hepe sang Jaro Police Station, kaso nga robbery ang ginpasaka kanday Mark Galvez alyas Maku kag Christopher Agonsola alyas Tata.

Una na nga ginpasakaan sang kaso nga robbery kag violation sa RA 9165 ukon Comprehensive Dangerous Drugs Act of 2002 si Briant Naya.