Squad member sang NPA, nag-surrender sa mga otoridad sa Lambunao

ILOILO – Nag-surrender sa Lambunao police kag Philippine Army ang squad member sang New People’s Army (NPA) sa Lambunao sang Hunyo 12.

Suno kay Police Major Roy Tayona, hepe sang Lambunao Police Station, squad member sang Kilusang Rehiyong Panay sang NPA ang 25-anyos nga lalaki nga nag-surrender.

Dala man niya sa pagsungka ang .38 caliber revolver kag isa ka homemade 12 guage shotgun.

Gina-proseso na suno kay Tayona ang ihatag nga assistance sa natungdan agud gamiton niya sa pagbag-o sang kabuhi.