Mga jeepney drivers kag owners, kag mga residente sa Don Esteban, Lapuz nagareklamo nga apektado sang LPTRP

ILOILO CITY – Nagareklamo ang mga PUJ drivers kag operators kag mga residente sang Don Esteban, Lapuz sa Land Transportation Franchising and Regulatory Board (LTFRB) kag Iloilo City Government nga apektado sila sang Local Public Transport Route Plan (LPTRP).

Suno kay Cirilo Fernandez nga driver sang Lapuz nga jeep, nagakagutman ang ila pamilya bangud sa pagpa-untat sang biyahe sang Lapuz nga ruta nga naapektuhan sang LPTRP.

Sang Hunyo 16 suno kay Fernandez, may duha sila ka mga miyembro nga nagbiyahe pero gindakop sang traffic auxilliary kag ginpa-untat bangud wala sang special permit halin sa LTFRB 6.

Gin-updan sang mga residente sang Don Esteban, Lapuz ang petition sang grupo bangud nabudlayan man sila nga magbyahe.

Kun  sang una suno sa mga residente isa lang ka sakay kun magpadulong sa city proper, kinahanglan nila subong nga mag-double ride antes makakadto sa ila padulungan.