Mga taga-probinsya sang Iloilo nga nagapangayo sang bulig paagi sa AICS sa provincial capitol, nag-ako nga nabudlayan magbiyahe sang ginpatuman ang LPTRP sa Iloilo City
ILOILO — Ginakabig nga huol sang mga taga-probinsiya nga nagapangayo sang Assistance for Individual in Crisis Situation (AICS) sa Iloilo Provincial Capitol ang implementasyon sang Iloilo City Government sang Local Public Transport Route Plan (LPTRP).
Nagakabalaka si Alyas Medalia nga taga-first district sang Iloilo nga insakto lang ang financial assistance nga iya kuhaon sa Kapitolyo sa iya nga plete.
Madamo man sang agyan nga pagpamangkot sa mga drivers sang jeep suno kay Arlene sang Tigbauan antes makalab-ot sa Kapitolyo.
Dugang pa nila, mas maayo kag matawhay ang pagbiyahe sang nagligad nga semana sang wala pa ginpatuman ang LPTRP sang syudad.
May mga kliyente naman nga makapila magbalik sang una sa Kapitolyo agud magpangayo sang financial assistance ang nagtalang sang ginpatuman ang LPTRP bangud wala pa sila nakahibalo kun ano nga ruta sang jeep ang ila sakyan. — via Aksyon Cedrick Anona