Dump truck nga may karga nga bato, nahulog sa pil-as sa San Joaquin, Iloilo; Driver, pilason
ILOILO — Padayon nga ginabulong sa ospital ang driver sang dump truck nga may karga nga bato sang nahulog sa ginabanta 10 ka metros nga kataason sang pil-as sa Barangay Tiolas, San Joaquin kahapon, Hunyo 21.
Ginkilala ang driver kay Roger Bolan, 39-anyos sang Brgy. Bagumbayan, San Joaquin.
Suno kay Police Lieutenant Dionisio Estacio, hepe sang San Joaquin Municipal Police Station, halin sa Antique ang dump truck kag pakadto sa Leganes sang na-aksidente.
Ginpahayag ni Estancio nga nadulaan sang kontrol sa manibela ang driver matapos nahulog sa buho ang royda sang truck kag nagdiretso sa pil-as.
Napilasan sa ulo ang driver sang truck.