Ungka ITGSI-Diversion Road via Transport Hub nga jeep, temporaryo nga ginpahanugutan nga makalabay sa Iloilo Terminal Market
Read Time:49 Second
ILOILO CITY — Temporaryo nga ginpahanugutan sang Public Safety and Transportation Management (PSTMO) nga makalabay sa Iloilo Terminal Market ang mga PUJs nga may ruta Ungka-Diversion via Transport Hub.
Ini ang ginkumpirmar ni Western Visayas Transport Cooperative (WVTC) President Raymundo Parcon kasunod sang mga reklamo sang mga commuters nga indi na sila makapaninda kag makapangompra bangud wala na sang may nagaderitso nga jeep sa merkado.
Suno kay Parcon, padayon pa nga ginatun-an sang PSTMO kun puwede pa mabalik ang daan nga ruta sang Ungka nga jeep.
Ginpahayag ni Parcon nga madamo sang mga commuters ang nagapasalamat bangud mas nangin mahapos ang ila nga pagpadulong sa Iloilo Terminal Market.
Tatlo pa lang ka adlaw sang ginpahanugutan nga makalabay ang jeep sa amo nga merkado.
Base sa gin-aprubahan nga ruta sang Department of Transportation sa LPTRP sang Iloilo City, tubtob lang sa Tanza sa City proper ang ruta sang Ungka ITGSI nga jeep kag pabalik sa Ungka ITGSI terminal. — via Aksyon Cedrick Anona
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
AKSYON BALITA NUMERO UNO SUNDAY EDITION | DECEMBER 3, 2023
https://www.youtube.com/watch?v=PjtsmlLpYpk
“Task Force Puerto” sa Dumangas Port plano buhion
ILOILO — Nagaplano ang Iloilo Provincial Government nga buhion ang Task Force Puerto sa Dumangas. Katuyuan sini nga matapna ang...
Disyembre 4 holiday sa Santa Barbara, Iloilo
ILOILO —Nagpaguwa si Santa Barbara, Iloilo Mayor Dennis Superficial sang Executive Order No. 69 series of 2023 nga nagadeklarar sang...
Bana patay, asawa pilason sa aksidente sa San Miguel, Iloilo
ILOILO —Patay ang bana samtang ginabulong pa ang iya asawa sang nabungguan sang taxi ang ginasakyan nila nga motorsiklo sa...
Issue sa mining exploration sa Pan de Azucar Island sa Concepcion, Iloilo nakalab-ut na kay Gov. Defensor
ILOILO – Nakalab-ot na sa atensyon ni Governor Arthur Defensor, Jr. ang mining exploration nga ginahimo sang isa ka kompaniya...
Average Rating