Oath taking sang mga elected officials sa Miagao, Iloilo, gin-postpone kasunod sang pagpositibo sa COVID-19 ni Mayor-elect Richard Garin

Ginkumpirmar ni First District re-elected Representative nga nagpositibo sa COVID-19 ang iya bana nga si Miagao Mayor-elect Richard Garin rason nga gin-postpone ang oath taking kag inauguration program sang mga elected officials sang banwa.

Sa iya nga statement nga na-post sa Miagao LGU Facebook page kahapon, Hunyo 28, ginpahayag sang kongresista nga naka-develop sang fever sang Domingo sang gab-I ang iya bana, may runny nose kag headache.

Bangud sini, nagpaidalum sa COVID-19 testing ang incoming mayor kag nagpositibo sa virus.

Ginpanugyanan si Richard nga mag-isolate sang pila ka adlaw rason nga nadesisyunan nga ipa-iway ang oath taking kag inauguration program para sa safety sang mga magatambong.

Ginpahayag ni Congresswoman Garin nga nakompleto ni Mayor-elect Garin ang iya primary doses sang COVID-19 vaccine kag nakapa-booster man rason nga indi malala ang iya nabatyagan.