Duha ka menor-de-edad, nabun-an sa Alalasan, Lapuz

ILOILO CITY – Pilason ang duha ka mga menor-de-edad sang nabun-an sang mga ginpahayag grupo man sang mga menor-de-edad sa Brgy. Alalasan, Lapuz mga las-9 kagab-i, Hunyo 29.

Ginkilala ang mga biktima kanday alyas Dondi, 17-anyos kag alyas Insang, 16-anyos.

Gin-hold naman sang police ang anum ka mga suspetsado nga nagkaladakpan sa bulig sang mga barangay officials sang Aguinaldo, La Paz.

Suno kay Aguinaldo, La Paz Barangay Kagawad Arlene Recaña, ginabanta sa 12 tanan ang mga suspetsado apang anum lang ang ila napangdakpan. Gin-identify sang kagawad ang mga suspetsado nga taga-Rizal, La Paz kag masami nga nagasinabad sa lugar. May mga tiun suno sa iya nga nagalabay sa ila barangay ang mga suspect kun kaagahon kag nagahinabyanay sang bato ukon botelya.

Na-recover man sa mga suspetsado ang tatlo ka mga kutsilyo.

Suno sa magulang sang isa sa mga biktima, nagabakal lang sang inasal ang iya manghod sang ginpalapitan sang mga suspetsado kag ginbuno. Dugang niya, posible nga gin-trippingan ang iya utod.

Ginpangdala na sa ospital ang mga suspetsado agud ipa-identify sa mga biktima.