Modernized jeep, natumba sa Baguingin, Tigbauan; 20 ka pasahero, pilason
ILOILO — 20 ka mga pasahero sang modernized jeep sang natumba sa Brgy. Baguingin, Tigbauan, 7:25 kaina sang aga.
Suno kay Police Lieutenant Mary Jane Panes sang Tigbauan Police Station, ginpangdala na sa ospital ang mga pasahero sang jeep.
Sa initial nga impormasyon ni Panes, pakadto sa direksyon sang Iloilo City ang jeep nga may biyahe Tigbauan-Mohon kag vice versa sang may nahulog nga sanga sang kamunsil rason nga nag-panic siya kag iya na-swerve ang manibela tubtob nga natumba ang salakyan.
Nagapadayon ang imbestigasyon sang kapulisan sa aksidente.