Ferdinand “Bongbong” Marcos, Jr, nagsumpa bilang ika-17 nga presidente sang Pilipinas

Nagsumpa na bilang ika-17 nga presidente sang pungsod si President Ferdinand “Bongbong” Marcos, Jr sa National Museum of the Philippines kaina sang udto.  

Gintabungan sang mga foreign dignitaries, mga officials kag supporters ang makasaysayan nga kahiwatan.  

Antes sini, gin-abe abe ni outgoing president Rodrigo Duterte si Marcos Jr sa pag-courtesy call sang incoming president sa Malakanyang.  

Base sa tradisyon, nagpirma sa guest book si Duterte kag ginhatagan sang full military honors sa iya pagbiya sa Malakanyang. 

Wala na nagtambong sa inagurasyon ang outgoing president kag nagdesisyon nga mapauli na lang sa Davao City suno kay National Security Adviser Hermogenes Esperon, Jr.          

Sa iya inaugural address, ginpabutyag ni Marcos jr nga nahangpan niya ang kabug-at sang mga responsibilidad nga ginhatag sa iya gani handa siya nga atubangon ini para sa maayo nga palaabuton sang mga filipinos kag sang pungsod.