Western Visayas Transport Cooperative (WVTC), nag-propose sa City Government ang daan nga ruta sang mga PUJs sa siyudad
Nagpasa sang proposal ang Western Visayas Transport Cooperative (WVTC) sa City Government nga ibalik ang daan nga ruta sang jeep sa syudad nga gin-utod sang gin-implementar ang Local Public Transport Route Plan (LPTRP).
Suno kay WVTC President Reymundo Parcon, nabaton na sang City Government ang proposal kahapon, June 30 kag ginahulat na lang nila ang sabat.
Ginpahayag ni Parcon nga kasunod ini sang reklamo sang mga commuters nga nabudlayan sa pag-biyahe bangud sa gin-utod nga ruta sa diin duha ka jeep ang ila sakyan imbes isa na lang.
Katuyuan sang proposal nga ma-address ang concern sang mga apektado nga commuters sang gin-implementar ang LPTRP, ilabe na nga masaka naman ang pletehan.