August 10, 2022

Implementasyon sang LPTRP sang Iloilo City, suspendiron sang siyudad sang 45 ka adlaw sugod Hulyo 8, 2022

Read Time:1 Minute, 28 Second

ILOILO CITY – May pito pa ka adlaw nga transition period ang Iloilo City Government antes temporaryo nga suspendiron ang implementasyon sang Local Public Transport Route Plan (LPTRP).

Suno kay Public Safety and Transportation Management Office (PSTMO) Head Jeck Conlu, pagkatapos sang pito ka adlaw ang pagsugod sang temporary suspension nga 45 ka adlaw.

“Ubrahon naton ang modification. Masige-sige ang series of consultation, ang series of discussion para makapasa kita within 45 days sang modification sang aton nga LPTRP,” suno kay Conlu.

Sa sulod sang 45 ka adlaw, iplastar sang city government ang mga modification sa ruta, tipunon ang tanan nga issues kag concerns sa LPTRP kag liwat nga pa-aprubahan sa Department of Transportation (DOTr).

“During [the]  implementation [sang LPTRP], may ara gid kita na ‘ya sang consultation kay dira ta gid mabal-an ang real scenario kag ano nga mga problema, kag ano ang kinahanglan naton ubrahon sa actual implementation. So kun waay ta ni ma-implement, waay naton makita kun ano ang sitwasyon. Kay na-implement na naton, nakita naton ang sitwasyon, ang mga problema, ang mga issues and concerns and it’s about time nga i-address naman naton ini,” dugang ni Conlu.

Nagsugod kahapon, Hulyo 1, ang pito ka adlaw nga transition period kag sa Hulyo 8 pa masugod ang temporaryo nga pag-suspend sang LPTRP sa diin ibalik ang mga daan nga ruta.

Gilayon nga nag-coordinate ang PSTMO sa magkatuhay nga transport cooperatives kag Land Transportation Franchising and Regulatory Board kasunod sang ginpaguwa nga Executive Order No. 1 ni Iloilo City Mayor Jerry Treñas.

Hunyo 12, 2022 sang ginpatuman ang LPTRP sa diin tubtob lang sa mga perimeter boundary terminals ang mga provincial jeepneys lakip na ang halin sa first towns pareho sang Oton, Leganes, kag Pavia.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Western Visayas Transport Cooperative (WVTC), nag-propose sa City Government ang daan nga ruta sang mga PUJs sa siyudad
Next post Habal-habal driver, patay sang natumba sa ginakay-o nga karsada sa Calinog