Habal-habal driver, patay sang natumba sa ginakay-o nga karsada sa Calinog
ILOILO – Wala nakaluwas ang habal-habal driver sang natumba sa ginakay-o nga dalan sa Sitio Simadbad, Brgy. Mambiranan, Calinog las-7:30 kahapon sang aga, Hulyo 2.
Ginkilala ang driver kay Benjie Ortiz, 27 anyos sang Brgy. Datagan, Calinog.
Suno kay PSSg Kenneth Lasaria, imbestigador sang Calinog Municipal Police Station, nagasunod si Ortiz sa isa pa ka motorsiklo sang natumba sa ginakay-o nga karsada kag natuhog ang liug sa pormas.
Gindala pa sa ospital si Ortiz pero gindeklarar nga napatay suno sa pulis.
Gin-athag sang pulis nga may warning device man nga nabutang sa ginakay-o nga karsada.