Truck kag SUV, nagbunggu-anay sa San Joaquin
ILOILO — May mga minor nga kapilasan ang driver sang truck kag sang SUV sang nagbuggu-anay sa Qui-anan, San Joaquin.
Ginkilala ang driver sang truck kay Ivan Naro, 41-anyos may bagras sa wala nga siko kag portion sang iya lawas.
Samtang may pilas man sa iya sag-ang ang driver sang Montero Sports nga si Police Corporal Rex Marion nga assigned sa 2nd Antique Mobile Force Company.
Suno kay PSMS Samuel Cescar, imbestigador sang San Joaquin, nadulaan sang kontrol sa iya manibela si Naro rason nga nabungguan ang kasugata nga SUV.
Halin sa Antique kag pakadto sa direksyon sang Iloilo City ang truck, halin naman sa Iloilo kag pakadto sa Culasi Antique si Marion. — via Aksyon Angel Mae Ciudad