Driver sang Ford Ranger Raptor, nagsulod sa bike lane sa Diversion Road, Taft North, Mandurriao

ILOILO CITY — Nagdiretso liko sa bike lane ang Ford Ranger Raptor nga may plate number FHS 312 sa stop light sa Diversion Road, Taft North, Mandurriao.

Natabu ini sang Hulyo 2, 2022 sang gab-i.

Imbes nga magdiretso sang mag-“GO” ang traffic light, gulpi nga nagliko sa bike lane ang pick-up antes nagpanaug sa service road.

Na-identify na ang tag-iya sang pick-up suno kay Public Safety and Transportation Management Office (PSTMO) head Jeck Conlu, pero nagbalibad siya nga hingadlan bangud indi pa suno sa iya established kun ang tag-iya man ang naga-drive sang nakuhaan sang video.

Taga-Mandurriao ang tag-iya suno kay Conlu.

Padal-an naman sang show cause order sang Land Transportation Office ang driver sang pick-up.